कुळदेवी आरती – चैत्र शुद्ध अष्टमी

कुळदेवीची वर्षातील पहिली आरती – चैत्र शुद्ध अष्टमी.

सकाळी देवांची दैनंदिन स्नान पूजा करावी.

आरत्यांची पुढे दिल्याप्रमाणे तयारी करावी. साधारणत: मध्यान्ह समयी आरत्या लावाव्यात.

नैवेद्य – वरण भात, पुरण, कटाची (पुरणाची) आमटी, तांदळाची खीर, तळण (भजी, पापड, कुरडई, इ.), इ.

दिवे आणि देवीची खेळणी – कणकेपासून पुढे दिल्याप्रमाणे दिवे आणि देवीची खेळणी बनवावीत आणि वाफवून घ्यावीत जेणेकरून दुसऱ्या दिवसापर्यंत टिकतील.

पूजेसाठी देवीचे टाक – देवीचे पुढे दिल्याप्रमाणे टाक आरतीसाठी वापरावेत.

आरतीचे ताट – काशाचे ताट असल्यास उत्तम. पुढे दिल्याप्रमाणे आरतीचे ताट मांडावे. दिव्यांमध्ये तुपाच्या वाती लावाव्यात. देवीच्या टाकांसाठी आंब्याच्या पानाचे / विड्याच्या पानाचे आसन करावे.

आरती – दुर्गासप्तशतीमधून यथाशक्ती पुढील स्तोत्र पठण करावे. गणपती आणि दुर्गा देवीची आरती करावी.

• • •      अथ सप्तश्लोकी दुर्गा
    •      अथ देव्या: कवचम्
    •      अथ तंत्रोक्तं देवीसूक्तम्
    •      श्रीदेव्यथर्वशीर्षम्
    •      श्री सिद्धकुंजिका स्तोत्र
    •      अथ देव्यपराध्यक्षमापनस्तोत्रम्

घरात दुर्गासप्तशती उपलब्ध नसल्यास, पुढे दिलेल्या दुर्गासप्तशतीच्या चित्रावर क्लिक करून ग्रंथ डाउनलोड करून घ्यावा.

काजळी धरणे – आरती करून झाल्यावर, वाटीच्या बुडाशी तुपाचे बोट फिरवून आरतीच्या ताटातील आठही दिव्यांवरून वाटी फिरवून काजळी जमा करावी. ही काजळी घरातील प्रत्येक व्यक्तीने गंधाप्रमाणे कपाळी लावावी.

प्रसाद ग्रहण – आरती करून झाल्यावर नैवेद्य दाखवावा. आरतीच्या ताटातील दिवे, खेळणी आणि पुरणपोळी तशीच दुसऱ्या दिवसापर्यंत झाकून ठेवावी आणि उर्वरित पदार्थ (वरण भात, आमटी, तळण, इ.) घरातील सर्वानी जेवणात ग्रहण करावे.

दुसऱ्या दिवशी सकाळी शुचिर्भूत होऊन देवाची दैनंदिन स्नान पूजा करून दिवे, देवीची खेळणी आणि पुरणपोळी यांचा चुरमा करून तो प्रसाद आवडीनुसार दूध/दही सोबत ग्रहण करावा.

प्रसाद ग्रहण करून झाल्यावर उष्टे/खरकटे हात एका भांड्यात धुवावेत, हात बाथरूम/बेसिन मध्ये धुवू नयेत. आपले हात धुतलेले पाणी एखाद्या झाडाच्या मुळाशी, कुणाच्या पायदळी येणार नाही अशा पद्धतीने विसर्जित करावे. आपले उष्टे/खरकटे पाणी तुळशीला टाकू नये.

॥ शुभम् भवतु ॥

🙏🌹🙏

लेखन, संकलन, संपादन - श्रीरंग विभांडिक, ठाणे
🚩🙏🏻🚩🙏🏻🚩

कुळधर्म आणि कुळाचार –

कुळधर्म आणि कुळाचार म्हणजे कुठल्याही परिस्थितीत चुकवू नये अशा या गोष्टी आहेत. या गोष्टी म्हणजे प्रत्येक घराण्यात वाड-वडीलांनी लावून दिलेले, वंश परंपरागत चालत आलेले घराण्याचे कुलदैवत, कुलदेवी यांचे नैमित्तिक/प्रासंगिक पूजा उपचार आहेत. त्यामुळे त्यात कधीही कुठल्याही कारणासाठी खंड नको. (अपवाद – कुळधर्म / कुळाचाराच्या दिवशी सुतक / वृद्धी लागू असणे.)

आपल्या अहिरराव कुळात पुढील कुळधर्म आणि कुळाचार आहेत जे प्रत्येकाने नियमितपणे करावेत. त्या प्रत्येकाबद्दल, सविस्तर पूजा माहितीसाठी खाली दिलेल्या लिंकवर (निळ्या अक्षरांवर) क्लिक करा –

वार्षिक कुळधर्म कुळाचार कार्यक्रम –
वर्षाच्या सुरवातीलाच कॅलेंडरमध्ये / डायरीमध्ये महिना आणि तिथीनुसार नोंदी करून ठेवणे.

१. कुळदेवीच्या आरत्या – वर्षातून ३ वेळा

⇒ चैत्र शुद्ध अष्टमी
⇒ श्रावण शुद्ध अष्टमी
⇒ माघ शुद्ध अष्टमी

२. साखर चतुर्थीचे ताट –

⇒ फाल्गुन कृष्ण चतुर्थी

३. खंडेरायांची तळी – वर्षातून २ वेळा

⇒ चंपाषष्ठी – मार्गशीर्ष शुद्ध षष्ठी
⇒ दसरा – अश्विन शुद्ध दशमी

४. श्री कानुमाता उत्सव –

⇒ श्रावण महिन्यात नागपंचमी नंतर येणाऱ्या रविवारी (काही ठिकाणी नागपंचमीच्या आधीच्या रविवारी हा उत्सव करतात. आपल्या कुळात नागपंचमीनंतरच्याच रविवारी करतात.)

५. श्री शीलनाथ महाराज उत्सव (चोपडेकर अहिरराव परिवारासाठी)

⇒ पुण्यतिथी – चैत्र शुद्ध शिवरात्र
⇒ गुरुपौर्णिमा – आषाढ शुद्ध पौर्णिमा
⇒ महाशिवरात्र – माघ शुद्ध चतुर्दशी

(निळ्या रंगात नसलेल्या उर्वरित सविस्तर पूजा विधीवर अजून काम सुरू आहे, सर्व माहिती लवकरच उपलब्ध होईल).

॥ शुभम् भवतु ॥

🙏🌹🙏

लेखन, संकलन, संपादन - श्रीरंग विभांडिक, ठाणे
🚩🙏🏻🚩🙏🏻🚩